Сибайский колледж искусств имени К.А. Валеева присоединился к просветительской акции «Международный диктант по башкирскому языку». Приняли участие все — и студенты, и преподаватели, и сотрудники колледжа. Акция проводится с целью популяризации башкирского языка, повышения языковой культуры, привлечения внимания общественности к вопросу сохранения и развития языка.
17 апрель көнө К.А. Вәлиев исемендәге Сибай сәнғәт колледжы «Башҡорт теленән халыҡ-ара диктант» халыҡ-ара белем биреү акцияһына дәррәү ҡушылды. Сәнғәт колледжы диктант яҙыуҙың бер майҙансығы булды.
Студенттар, уҡытыусылар, колледждың барлыҡ хеҙмәткәрҙәре милли кейем элементтарын тағып, башҡорт телендә диктант яҙҙы. Акцияға бөтәһе 80 кеше ҡушылды. Бер төркөмгә тексты башҡорт теле уҡытыусыһы Базанова Л.А. уҡыһа, икенсе төркөм онлайн трансляцияға ҡушылды. Театр бүлеге студенттары өсөн диктантты А.Мөбәрәков исемендәге Сибай дәүләт драма театры актрисаһы Аделина Ҡарабаева уҡыны. Шуныһы маҡтауға лайыҡ — быйыл 1-се курс студенты Вилдан Моратов та диктанттың тексын уҡырға теләк белдерҙе.
Бергәләп диктант яҙыу байрам кәйефендә үтте. Ҡатнашыусыларға сертификаттар тапшырылды.

#башдиктант
#башҡорттелендәдиктант
#башдиктант2026
#диктантпобашкирскомуязыку#башҡортсадиктантяҙам